Kunapachatï Bolivia markan arxatiripax palla pallanakan jan wali luräwinakapat jan arxatxi ukhax markachirinakax redes sociales ukatuqiw kunatï amuyunakapakï ukanak uñt’ayapxi.
“Boliviana palla pallanakax Sudamérica uksat juk’ampiwa” Facebook ukan uñt’ayatawa, ukanxa palla pallanakat jan wali luraw lurapki ukat markachirinakax mayiwinakp uñt’ayapkï ukanakaw utji. Maya pajinax lapaka phaxsin 2013 maran uñstayatarakinwa, ukatx 29 uru achuqa phaxsit 2015 maranx 32.320 “me gusta” ukhaw utji – waljaw denuncias ukanakax uñjasi.
Yaqhip denuncias ukankax akanakawa: vehículos oficiales, ukan q’iwirinakapax machatäk ukhax qullqinak mayipxi, aka qillqatanaka, jamuqanakan ukat vídeos ukanakan uñjasi:
Yaqhastï:
Iwxäwinakax utjarakiwa:
Aka pajina ukan arkirinakapax phiñasiwinakap uñt’ayapxi. Yatiyäw yatiyirinakarux uñt’ayapxiwa ukatx mä qawqhatx armatakixiwa, sisanawa, Cochabamba markan edificio de la UTOP (Unidad Táctica de Operaciones Policiales) uka proceso ukax janiw nayrar sarkxiti, ukhamakiw qhiparxi, nï khitis ukatuqix arsxiti.
Mabel Franco, yatiyaw yatiyiri La Pública Bolivia markatx pajinan apnaqiripamp aruskipt’asax amuyt’iwa, asxarayäwinakax utjiwa.
«Jan wali luräwinkax walt’ataxiwa, ukatw redes sociales ukatuqiw jark’aqasna», sasinw Facebook apnaqirix qhancht’i.
Zanta Cruz markanx yaqha pajina Facebook ukax jist’aratarakiwa, “ Palla pallar jan wali luräwinakapat qhananchama”, 29 uru achuqa phaxsinx 3.451 «Me gusta» ukhaw utji:
Defensoría del Pueblo de Bolivia ukax mä yatiyäw jallu qallta phaxsin 2014 maran»Ejercicio de los Derechos Humanos en el Estado Plurinacional de Bolivia ukat defensorial 2014 maran» yatiyäwiparjamax jan wali luräw uñjas yatiyäwinakax waljaw utji; 19 ukha yatiyanaka, 15 ukhakiw medios de prensa tradicional uksat jak’at arkat uñjasi.
Maysatx aka pajinanakanx Policía Nacional de Bolivia, ukar arch’ukiwinak utjikïs ukarux jank’akiw jaysäwinakax utjañapa sasin mayiwinakax utjarakiwa.