Japan: Uraq Khatat Video Waruqatanaka

Akatuqisti suma yatiyawinakarakiw puriniwayi kunjamtix Japonan uraq khatatix utjawayki, aka 2011ni maranxa, uka tuqita.

Chiqpachansa, wali qamasatakiwa maynix Video Camara waruqañ apt'atañaxa, kunawsatix juma jak'an uraqix khatatiski ukapachax nämakisa. Aliq sarnaqaskir jaqinakaw khaysa viernes 11an uru marzo phaxsit saraqatanx videonak waruqawayapxatayna. Ukjamarus khaysa Youtube tuqinrak juk'ampis uñacht'ayawayapxatayna. Aka tuqinx mä juk'anak apthapt'atakiwa.

Uraq khatat uru

Aljirinakax khaysa jach'a aljañ utanakanx amparanakapampiw kuna aljañ uchañanakx katthapiwayapxatayna, kunawsati uraqix khatatkatayna ukapachaxa, ukjamatwa mä minuto ukjamaw khatititayna.

Akansti uñstiwa kunamsa mä utax khatatiski, ukjmarak kunamsa jaqinakas aliq jank'akipuni sarantasipki uka tuqita.

Aka jila kullakanakaxa tsunami sat jithikis ukwa Iiowa- Chiba prefecturatpach uñch'ukisipki.

Aka jamuqatansti khaysa 11an uru marzo phaxsit saraqatanwa, trena chhitachhitanak saykis ukatuqinxa jan utar purxañ attxasinxa sayart'asipki.


Pä uru mäkiptkipana

Uraq kahtat mäkiptkipansti, mä tataw taqi jan walt'awinak uñakipatayna aka Iowa-Chiba tuqina, ukat jupasti akjamrak satayna:»umas marka pat lluñchukiptkaspax, ukjamawa», sasina.

Juk'amp yatiyawinaka Japonan uraq khatatïwipa tuqina.

Tomomi Sasakin jaqukipawipawa khaysa Japon tuqitpacha.

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.