2 ukat 3 uru llamayu phaxsit 2012n maran Web 2.0 ukxat Oruro, Bolivia markan yatichirinakar yatichäwi. Yaticha kamani (Ministerio de Educación) ukat Jaqi Aru uka tamankirinakampit amt'at wakt'ayatanwa, Altu pata markan arut yatxatat wayn tawaqunakaw Internet ukan Aymara aru sarantayasipki. Global Voices Aymarata ukan mä arut yaqha arur jaqukipirinakaw akan chikancht'asipki. Uka yatichäwix Escuelas Superiores de Formación de Maestros (ESFM) ukan yatichirinakatak chiqancht'atanwa, amtäwipax yatichirinakamp yatiqirinakamp Internettuqin qilqawinak qilqapxañapatakiwa.
Wakichäwi wakt'ayatrjamax akhamatw sarantayatäna:
3 uru llamayu phaxsita, 9:30 qhara pacharux tantachasiñ utanw Yatich kamani uksankirinakat qallantasiwayäna.

Ukharusti, Mario Duran Chuquimia Web 2.0 ukat Wikipedia ukxata yaticht'äna. Ukat chika uru makiptxatatsti, sala de cpmputación ukanw yatichawix phuqhasxana, sapa yatichiriw mä atamirin internetan ukham yatintapxäna.
Martin Canaviri jilax redes sociales, Facebook, ukxt yaticht'äna Ruben Hilare jilax Twitter ukxtrakw uñt'ayaskana. Victor Paco Montevilla, Flickr ukar jamuqäwinak waraqäwinak apkatañxatyaticht'askäna.

Foto de Mario R. Duran bajo licencia Creative Commons

4 uru llamayu phaxsita, Elias Quispe WordPress ukxtaw uñt'ayana, ukatx Edwin Quispe jilax Skype ukatarakw uñt'ayana. Hilare jilax Wikipedia Aymara ukxat yaticht'arakina.

Ukhamatw yatichäwix tukuyasxana tantachasiñ utana mä juk'a yant'awinak lurasa, ukanx yatichirinakax Jaqi Aru waynanakaru ukat Yatich Kamani ukankirinakaruw jallallt'apxäna, jupanakatx waljanirakiw Aymar arun tecnologiastuqi uñt'ayañ amt'apxana.

Yatichiri René Chura Quispe ESFM Mariscal Andrés de Santa Cruz Calahumanata, La Paz suyutxa, arst'anwa:

…los conocimientos tecnológicos debemos experimentar, las herramientas son muy importantes…

Antonio José de Sucre, mayni yatichiri ESFM Antonio José de Sucre, arstiwa:

Un trabajo conjunto esa motivación hacia nuestros estudiantes, es poder hacer el uso de plataforma; no solamente en idioma Aymara, sino también en idioma castellano.

Maysataxa, Cristina de ESFM Caracollo, Oruro marakat arst'äwayi:

…que no sea este único taller sino que haya más talleres sobre el manejo de herramientas digitales; difundamos nuestra idioma Aymara en Internet como idioma Ingles.

Yatichirinakxatx internet ukan qilqatanak uñtayañ amtax utjiwa.

Jaqi Arux mä post Aymara yatichawxat uñt'ayi, ukanx aka video waraqatw uñt'ayi: