Marianna Breytman, Global Voices ukan jaqukipt'irimp aruskipt'asa

Nairobi, Kenia markan maymarax Global Voices Summit ukax apasiwayki ukanw Global Voices ukan mayni machaq yanapt'asirir uñt'aniwayta. Jupax Marianna Breytman sutiniwa, jupax castellano arut ingles arur kuna qillqatanakati Latinoamérica uksat España Global Voices en español uksan qillqatanak jaqukipt'iriwa.

Jupampix walja pachaw aruskipt'apta, ukatx jumanakax ist'apxasmaw uka video, Global Voices uksan kawkïr arunaks jaqukipiritan ukanakxat arxayt'aski:

Ukatsti, email-tuqiw aruskipt'apxata:

Juan Arellano: 100 jila qillqatanakw (posts) GV ukatakix jaqukipxtaxa, kalltkta ukhax ukham jaqukipirist sayatati?

Marianna Breytman: Janiwa. Global Voices ukatakix jaqukipañx kunawsapun qalltstxa, ni kawkhar apañs yatkayati. Jaqukipawx lurak luraskyatxa, kunjamti Nairobi markan siskayasmaxa. Sapa jaqukipäwitx juk'ampi yatiqayatxa. kunawsati GV ukatak niya pä mara jaqukipäwinakamp phuqkasinw 100 qillqatanakax utxäna, 100 qillqatanak phuqhañpunw munayatxa, ukarux phuqtwa. 100mo qillqata [en], Ukhamakiwa!

JA: GV ukatak jaqukipt'atanakamatx kuna amtaskyanakas jan ukax kawkirinakach jumatak aski utjiristama?

MB: Ariel [Moreno] jupan qillqatapatw amt'irista, Panamá markan «diablos rojos» uksat qillqt'atayna, kunapachati nayax uka markar sarawaykt ukhapuni. Ukwa nayax jaqukipta [en] ukampirus nayax uka markanx ukanakarux uñjawayxarakiyatwa ukat jasakinw jaqukipañaxa.

Yaqha qillqatx amatarakiristwa Robert [Valencia] jupata, Brooklyn uksan Kimani Gray jupan jiwatapat unxtasiwinak utjkan ukxat qillqatanwa. Nayapachpax kunati nayan markajan utjaski ukx yatkayati, ukatw jaqukipt'awayta [en].

Ukampirusa, jaqukipäwin wali ch'ama tukt'ayawayitu ukax janiw GV ukatakikiti, jan ukasti GV'er — Elaine Díaz Rodríguez ukatakiwa. Kunawsati Elaine jupar EE.UU markarjtuñatak visa jan churañ munapkan ukha, jupax mä qillqata wali phiñasit arunakampi. Jupax uñt'ayañ munana ukat nayax mä pita ajqukipañaspaw sasina sista. Uak ullarxasaxa wali llakisxayata. Irnaqir masixamax jaqukipaw mayt'itu [en]. Anchhit pachanwa, kunja askisa jaqukipañaxa ukxa amuyastxa, maynix isturyanakap uñt'ayañ muni. Ukatwa kunti lurktx aukarux munastxa.
JA: Ukampirus castellano arux janiw juman tayka arumakiti, kunjamats uka arut jaqukipt'añx lup'iwayta?

MB: Taqiniw jiskt'apxit ukxa janiraw mä aski jayst'äwix utjituti! walja maraw español aru yatiqaskta, jisk'atpach kunawsati primaria ukankayat ukhatapacha, 6to grado ukankayat ukhatpach amt'irista, Panamá markat judío ortodoxo ukhamanwa yatichirijaxa. Jupaw walpun ch'amanchawayitu uka aru yatxtañaxataki. Jupapinw ullaña, español radionak isch'ukiñ ukat juk'amp yatxataskakiñar sarantawayta.

Español aru yatiqañaxa nayatakixa wali askinwa. Uka yatxatäwijanx wali suma notanakanipuniritwa, janiw jan aski notanakiniñ munirikti. Español aru yatiqañatakix wali esfuerzo ukham uchiritxa.

Marianna Breytman

Marianna Breytman

JA: GV ukanx yanapt'irjamakitawa, yaqhip pachanakax kunanakamps lurta?

MB: Jichhax mä organización ukan irnaqaskta, programa Au Pair [en] ukana EE.UU uksar yatiqirinakax purinipki ukanakaruw yanapt'i, wawanak uñjaña ukampirus yatiqasipkaraki. Coordinadora de Reclutamiento Internacional ukatwa, ukanx solicitudes de los candidatos ukanakw uñakipta.

Ukatsipan ayaqhaxa, español arut yaticharakta, centro de educación de colaboración en Brooklyn ukana.

JA: Gastronomía ukaw jumarux gustam ukxatw ullart'askayata… inakt ukhax phayiritati?

MB: Kawkhans ukxa ullarta?! Jaja.. gastronomía ukax wali askiwa, may may markanakat manq'anak mallt'añax wali askiwa, ukampirus janiw nayax anch phayirikti. Panamá markaruw nayrïr kutipun purt'awayta mayni GV'er, Ariel Moreno jupar tumpt'iri, ukanx ceviche manq'a manq't'aniwayta, wali sumapuninwa nayax uka phayañ yatiqañ munta.

JA: Tawaqusktawa, jutïr pachatakix (futuro) kuna amtäwinakamas utji?

MB: Ukatx educación internacional uksan irnaqt'añakiw utjaskitu. Ukampirus Nueva York uksan jakasiñax wali askiwa.

Ukatsti, jutiri pachanakatakixa, mä organización ukatakiw iranqañ lup'iskta ukax derechos humanos ukat proyectos de desarrollo económico ukanakar chiqancht'atawa. Ukapcahparakiw español arut yatichañ munaskakta.

Ukampirus Global Voices uksan irnaqaskakiwa. GV uksat juk'amp yatxatañ muntxa. Eddie [Ávila] jupatakiw Rising Voices uksan jaqukipirita, ukaw sumpach aka organización uksat amuyt'ayitu. Ukampirus mara jilaw WITNESS [en] uksatak irnaqxta.

—-

Uka jutir video ukanx mä juk'a Global Voices ukxat Nairobi markan tantacht'awapxitu ukxatarakw aruskipt'apxta.

JA: Kunampch arxt'awayasma?

MB: Jïsa, Firuzeh [Shokooh Valle] ukat Silvia [Viñas] jupanakaruw jallallt'ta, jaqukipt'as sarantañ munaskatwa. Chiqpachansa janiw kuna pachas kunti lurkt ukx lup'irikayatti, GV uksan juk'amp uraqpachar uñt'ayapk uka jila kullakanakamp chika sarantaña munta.

Niya uka kipka yaqha qillqatanaka:

Cuba markata: Ellery Biddle ukat Elaine Díaz jupanakamp aruskipt'asa
Matisse Bustos Hawkes, Witness ukatx video uka
Chris Moya, SpainRevolt ukatx ciberactivismo uka
Afef Abrougui, blogueando desde Túnez
Rebecca MacKinnon jupamp “Consent of the Networked” ukxat aruskipasa

Global Voices Summit 2012 uka jikthapatäwin nayrïr urux Kibera uksaruw purt'ata.

Jiskt'äwimp uñt'ayat jamuqa.

Thumbnail ukat Rezwan jupan Global Voices ukatak jamuq (foto) apsuta.

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.