Venezuela: Hugo Chávez Jilïr irpirix jiwataxiwa

Jayp'u pacharuxa, Venezuela markan Nicolás Maduro sullka irpirix Hugo Chávez Frías jilïr irpirin jiwatapatw yatiyäna.

Chávez jilïr irpirix 2010 martapachw cancer usump aynacht'at jikxtasïna, isla de Cuba uksanax pusi kutiw tratamiento ukamp jikxatasïna. 7 uru taypi sata phaxsin 2012 maran chhijlläwin atipjasinsti, 2013 marat 2019 marakam mandatario ukhamañap amtaw utjana. 80 uru makiptatatsti, cámaras uksarux janiw kut'awaykxanti, kunalaykuti usupax sintiw aynacht'ayxäna.

Twitter uka apanaqirinakax uka yatiyaw yatisax mäkiw p'arxtapxäna.

@marujatarre qillqiwa:

@marujatarre: Muere el hombre y comienza la leyenda, eso es inevitable.

@marujatarre: Chachax jiwxiwa ukat jupxat arusiñax qalltiwa, ukax janiw jarkatakaspati.

Hugo Chávez Frías

Hugo Chávez Frías, foto de Bernardo Londoy bajo licencia Creative Commons (CC BY-NC-SA 2.0)

Mardi (@mardicienta) ukax Chávez jilatakiw jallallt'äwinakap (agradecimientos) apayi:

@mardicienta: No me alcanzará la vida para agradecerte lo que hiciste por nosotros, mi comanche. Tu siembra florece eternament en esta Revolución de amor!

@mardicienta: Kunti nanak layku lurawaykta ukat jallallt'añatakix janiw jakäwix ukakamakaniti, mi comanche sasin satayna. Kunti lurawakta Revolución de amor ukax panqarjamaw wiñayatak panqarani!

Mientras que @LaDivinaDiva sarakiwa:

@LaDivinaDiva: y ojala todos entendamos q son timepos de bajarle 2 a confrotaciones innecesarias y tratemos de resolver en paz y armonia las diferencias

@LaDivinaDiva: inachay taqinis amuyt'apxsana, ch'ujtawin sumat askichsna.

Hugo Chávez, Venezuela markanx 1999 marat 2013 marakamaw jilïr irpirit irptawayi. Pusi chhijlläwinw atipjawayi ukatx mä machaq Constitución aptawayi. P'iqinchäwipax uraqpachan uñt'atanwa, anti-imperialista amtanitapata Estados Unidos markampix wali arch'ukisipxäna.

América Latina ukat Caribe uksanakarux integración amtaw ch'amanchawayana.Kawkïr markanakati pisin jikxatasipk uka markanakarux inversión social uksatuqs yanapt'awayänwa.

Venezuela markanx polarización política ukat arusiñax janiw kunjamats ch'ujtayañjamakiti, aka maranakanx venezolanunkirinakarux chavistas ukat antichavistas ukanakarux walw t'aqxtayana. Ukampirusa, Irpirin jiwatapax markpachan ch'iyarat ist'asiñ pachawa.

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.