GV Aymarax VIII Congreso Internacional de Cultura y Lengua Aymara ukan chikancht'asiniwayi

6, 7 ukat 8 uru jallu qallta phaxsit 2012 maranx Iquique, Chile markanw VIII Congreso Internacional de Lengua y Cultura Aymara “Taxpachan Aymar Arusipxañani» uka jach'a tantachäwix Arturo Prat jach'a yatiñ utan Aula Magna uksan phuqhasïna. Academia Nacional de la Lengua Aymara (ANLA), Corporación Nacional de Desarrollo Indígena (Conadi), Instituto de Estudios Andinos, Isluga ukat Arturo Prat jach'a yatiñ uta ukanakat wakicht'atänwa .

Uka Congreson amtapax aymara saraw aru ukanakat juk'amp amuyt'as sarantayañ amtamp wakt'ayatänwa.

Jaqi Aru tamax mä jawillt'aw katuqäna, uksan chikancht'asiñataki, ukatx Global Voices Aymarata ukatx kimsan jaqukipiriw uksar sarawayapta. Ukanx jisk'a yatiqañ utan yatichirinaka, Chile, Perú ukat Bolivia markanakan jach'a yatiñ utan yatichirinakapa, Arturo Prat ukan yatiqirinakap ukat juk'ampinakaw chikancht'asipxäna.

Esteban Mamani ukat Victoria Tinta jupanakan uñt'ayäwipa. Víctor Paco Montevilla jilan phutu apsuta, iyawsawimp uñt'ayata.

Wakichäw luratarjamaxa, nayrïr urux mä Phawa (Pachamamar jach'ancht'asina ) qalltasïna, ukharusti ANLA ukan irpiriparakiw chikancht'asirinakar aski jutaw arunakamp katuqt'äna. Uka makiptataxa, magistrales yatichäwinakampiw qalltasi, “derechos lingüísticos de los pueblos indígenas” ukampirakiw chikancht'asïna, ukharux Jaqi Aru: aymara aru jach'anchayañäni, “Ecolingüística aymara” uñt'ayäwimpirakiw sarantayatäna Eulogio yatichiriw uñt'ayäna, La Paz, Bolivia markata, ukxarusti “Las derivaciones verbales ukat su importancia en la enseñanza y aprendizaje de la lengua aymara”, uka uñt'ayäwimpirakiw puqhasirakïna, ukatsti José Marcial M. Puno, Perú markan yatichirirakiw uñt'ayawayäna. Qhipxarusti, jach'a markanakat pata markanakat aymara saraw yatichaw yatiqawitrakw uñt'ayasïna: “Mirando el universo con los ojos de nuestros abuelos” sutincht'at uñt'ayäwimpi, Luis Carbajal, Arica, Chile markata.

Payïr urux mayïr uru kipkakiw apasiwayi, Jaqi Aru sobre revitalización de la lengua aymara, corpos, status, uksanx “Global Voices Aymarata: contribución a la historia del mundo a través de las traducciones”.Ukat payïr t'aqax “La lengua aymara en web 2.0” ukham sutincht'atanwa, naya, Victor Paco ukat Esteban Mamani jilanakampiw uñt'ayaniwayapxta. Kimsanpachax Global Voices Aymarata ukanw jaqukipaw lurt'asin chikancht'asipxta. Nankan uñt'ayäwix uñjasinx wali musparapxäna, jumanakaw mä uñancht'äwipxtaxa, ukatx ciberespacio uksanx juk'anikiw ukham ayamara arut uñt'ayapxi. Uka arunak ist'asinx wali kusisiyä.

Kurmi Wasi ukan yaticht'äwipa. Víctor Paco Montevilla jilan phutu apsuta, iyawsäwimp uñt'ayata.

Kimsïr urux magistrales uka yatichäwinakampiw qalltasiwayäna, “Metaforas culturales ukat personificación de elementos culturales en el idioma aymara” ukham sutinchat t'aqampi, Dr.Ignacio Apaza, Mayor de San Andrés (UMSA) ukat Universidad Pública de El Alto (UPEA) uksan yatichiriw uñt'ayäna ukharusti “Metodologías para enseñanza aprendizaje de la lengua ukat cultura aymara” ukham sutinchat t'ampiw yaticht'asirakïna, Marisa Barrientos ukat Luís Gómez, Kurmi wasi uka yatichañ utata, Paz, Bolivia Achocalla markan jikxatsi.

Jall ukhamatwa uka congresux tukt'ayasiwayi.

3 Amuy qillqatanaka

Aka jayst'äwir jist'antama

Aruskipäwir chikancht'asima (unete a la conversación) -> QHUYA JAQI, JAPHALLANI.

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.