GlobalVoices En Juk'amp yatiyäwinaka »

Elizabeth Riveraxa, qilqt'iri ukhamarak Global Voices ukan mä arut yaqha arur jaqukipiriwa

Elizabeth Rivera kullakax aka maranw Global Voices ukar purt'ani, ukhatx Global Voices españolataki, inglesatakix sapakutiw mä arut yaqha aruru jaqukipt'wayi, ukatax GlobalVoices españolataki, Global Voices Online ukatakis kipka qilqawinakapx qilqt'arakiwa. Jupatak mä qawqha jiskt'anakaw utji.

Kamisaki Elizabeth, jumxat arxayt'apxita, Kawkhatatasa, kawkhankasktasa, kuns lurta?

Kamisaki! Uraqpachankiritwa, México markan yuriritwa, ukhatx niya kimsa tunaka maraw makiptawyxi, walja wila masimpiw jakta. Kimsa jach'a markan suxta jisk'a markan jakawayta. Jichhurunx Santiago Chile markan jikxatasta, Global Voices ukar yanapt'asax mä (mercadóloga) ukhamaw jakasta.

Kunjamatas Global Voices ukat yatta, ukatx chikancht'asiraktasa?

Primavera Árabe ukan yuritatawa, Twitter ukaruw cuentax jist'arta. Awatir jaqinakaruw arkta, jisnawa @JustAmira. Twitbon ukaw wal p'arxtayitu, ukatwa Global Voices ukar purta. Ukatx jank'akiw uka sitio ukan qilqatanak ullarta; ukatsti link ukan mä arut yaqha arur jaqukipañ yanapirinak munask uk uñjta ukat jista: “akatat nayaxa”. Ukürpachaw chikanchasta. Jichhax janiw aru jaqukiprikikti, jan ukasti qilqawinak qilqt'xta. Wali kusisitatwa, akan chikanchasitajatxa, juk'amp chikancht'asiñ amtanitwa. Wali askinakw yatiqawayta, ukhamarak yaqha jaqinakarus uñt'awayta.

Elizabeth Rivera con su pequeña hija. 2011.

Elizabeth Rivera con su pequeña hija. 2011.

Kunjams aru jaqukipañataki, qilqañatak pacha apsta?

Mä juk'a (disciplina) ukakiw utjañapa. Kunawsati, jaqulipañax utjki ukhax mä uru, pacha churañatakix apst'astxa. Janiw kuns uka tukuyañkamax kurkti. Ukampirus jank'akiw qilqt'irita, ukatx yaqhanaks lurakiraktwa (jumax yatikstaxaya, irnaqaña, taykaña, chacha, qilqaña, masinaka, ukat juk'ampinakaw utji.)  :)

kunayman suxta jisk'a markan jakt sayatawa, ch'usasiwinakamat arxayt'apxita!

Jichhakiw amtasta, paqalquwa! México markanxD.F., Cuernavaca, San Cristóbal de las Casas ukatxCancún. Estados Unidos Irvine ukan jakaniwayta, Chino, California paypach markana. Chile, Santiago markana. México D.F. ukax yuriw markajawa. Californiax walja maranakaw yatintaniwayta, ukankarakiw mamajan wila masinakapaxa, jisk'atpach ukar saririyata. San Cristóbalanx mä marka tzeltal caphiya achuyirinakampiw irnaqaniwayta.

Elizabeth Rivera en Dublin, Irlanda.

Elizabeth Rivera en Dublin, Irlanda.

Maysar sarañani, kunjams chilen yatiqirinakan unxtasipxatapat amuyta? jilïr irpirimp mä aruskipäwir puripxaspati?

2011n yatiqirinakan sartasipxatapaxa payïr chiqawa”revolución pingüina sata” 2006n maratpacha. Nayan amuyatajatakix ukan sartasirinakax jilïr ipirinakapachawa. Yatichäwix kawkirit sipans askiwa. Janiw jach'a yatiqañ utanakan jan walt'awipakikiti.

Amuyatatx Chile markax jiltañ munaskiwa, aski yatichaw amtaniñapawa. Jilïr irpirimp yatiqirinakampix markatak askwa thaqhapxi. Siti askichäwir puriñ munapch ukhax jilïr irpiriw jaysawinak jaysañ jaytjañapa, yatiqirinakax amuyt'apxañaparakiwa, kunas janiw mä urut yaqha ururux jikikiptkaspati.

Jumax jistati janiw jilïr irpirix ist'añ munkiti sasa?

Amuyunakax waljaspawa. Yaqhipanakax asxarayasipxiwa kamachinakar ampar luqantaña, reformax qulqitakispaw jan ukax ch'amaspaw sasina. Yaqhipanakax yanapañs munapkiti. Qhurut arsusiwinakax yaqha t'aqanakat arsuwikaruw sarxi.

Kunjams amuyta uka sartasiwitxa?

Machaq uñstawinakax askiwa. Khitis amuyunakapx arsukispawa. Ukax democraciatakix askiwa. Ukampirusa, foros ukanakax mayjat uñacht'ayasi.

Elizabeth Rivera en Angelmó, Puerto Montt, Chile, 2010

Elizabeth Rivera en Angelmó, Puerto Montt, Chile, 2010.

Kunats Global Voices ukan inak irnaqirita, kunats ONG ukan jan irnaqta?

Nayatakix conectasiñax kunayman tuqin aski. Carrera uka ajllkt ukatw akankta, ch'usasiñaw wal gustitu. Global Voices ukax sarawinakat ullart'irinakar amuyt'ayañan aski, ukhamarak yatiyawinaka, ukhamata arunakar jach'anchayañataki.

Tukuyañataki, aski lurawinakam akar yanapt'asiñatak jaytkta ukxat arxayt'apxita.

Nayatakix askikiw chachajamp wawajamp mä virnis uru maleta wakichañaxa, ukat tuminku urux jan kuna jan walt'awin kut'ajañaxa. Markanak uñjañax wali askiwa, k'añask q'iwirirukiw kawkhans manq'añax uks jiskt'asipxirita. Ukampirus ullañax wal gustitu, jilpachax novelanaka, kunapachati wawajax yurxi ukhat janiw ancha pachanit ullañataki, jupamp anatañas wal gustitu.

Yuspajara Eli! jiwasan Editora Regional Silvia Viñas, aruskipawayapxiwa, aka video ukanx mä amtaskayatakiw qhiparani:

 

Elizabeth kullakar Twitter tuqin arkañat janipun qhipartapxamti: @elimaguire.

Aruskipäwimp qallantama

Amp suma, qillqirinaka Log in »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.


Uraqpachan regionanakapa

Markanaka

Arunaka