Saudita Warminakaxa Warmi Kankañapwa mayipxi, Twitter tuqi.

Saudita warminakaxa warmi kankañapwa mayipxi, Twitter tuqi.

Jichhurunakanxa medio oriente ukjamaraki Arabe uraqinxa wali turkakiptawinakankapxiwa, ukatxa warminakaxa janiw kjipaqtän munapkiti. Jichhaxa mä khuskhakiñwa mayipxi aka Twitter, Facebook, foros y blogs tuqi.

Deborah Amos aka Georgia Public Broadcasting tuqix [en], Arabia Saudita Markanxa qhipa yatiyawinakaxa walwa mark apnaqañ amuyunak p’arxtayi:

«Duraa Ali maxtäll tawaqux, 22ni marän yatiyawinakxät yatxatiri, ajanupäx abayampi mä velompi isthapt’atax jiskt’awayiwa aka forunxa akjam sasina, mä warmix Arabia Saudita markänx qalltaspati turkakipañxa? Warminakaxa juk’a kankañanikipxiti, ukjam sasaw jiskt’awayi wali t’axllirt’ataqasinxa.

Ali kullakaxa Bahrein tuqin yatiqt’askanxa kunawsatix ch’axwañanakax qalltki ukapachanxa. Jupaxa uñxasinwa wali musparata, amuyu mayamt’ata markachirinakan mayiwinakapxäta ukjamaraki Sunita familiaru saykatawipxäta wali yaqhachawimpi. «.

Twitter tuqinxa #saudiwomenrevolution [Saudita warminakan mark turkakipawipa] jupanakaxa walja arkirinipxiwa ukjamaraki wali yanapt’ataw sapurunxan warmi kankañ mayiwinakapxarux uñxt’asipxi. Ukaxa, Sudan warminakan amuyunakap nayraqataru sartayawiwa, mark markachirinakan apnaqasxañapataki ukajamaraki chachasa warmisa mä khuskhaki sarantañasataki.

akaxay mä p’akintawi utjkis tuqi #saudiwomenrevolution

Facebook tuqinxa, Saudit warminakan mark turkakipawipa [ar, en] 591ni arkiriniwa ukjamarus jilatataskakiwa. Akanxa jilpächa amtachinunakaxa árabe laxratäwa, yaqhipa arusqipawinaka inklis arutaraki ukajamarus yanapanakaxa janiw musulmananakat utjkiti jan ukasti taqi chiqa markanakatwa utji. Caricatur luratanakaxa saudita warminakaru uñtasitankaxa yaqhipanakaxa wal chuym ch’alltayasirxamawa.

ukjamakipanxa Saudit warminakaru yanapanakaxa uraq pachanwa jilatataski, mark apnaqirinakaxa wali mayamt’atawa jikxatasipxi ulka amuyu utkjatapatxa. James Nixon akaThniq [en] dice:

«wali p’iqini tamachat, jaqi kankañxat irnaqir markat arxatirinakawa 10 urunxa febrero paxsitxa tantacht’asiwayaxatayna, mä tama mark irptiri utt’ayañataki, Saudita markana ukasti satawa, Partido Islámico Umma, jupanakaxa mayiwayapxiwa markanx monarkiax tukusxañapawa, sasina.

taqiniw sarapxi 18 de febrero paxsin katuratanaka [en], Mark apnaqirinakax mayipxiwa markachirinakaru mayiwinakapx jaythappan katuratanak antutnuqxañataki».

wali ch’amaniwa Sadit warminakatakixa kunalaykutix warminakax tukakipawa mayipxi, kunkjamatix lurawinakax uñjaskixa, Tunez Egipto markanxa janiw markan ch’amapax jaya pachanakatpach jaytawachatakaspati.

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.